Мекеме тарихы

Мекеме тарихы
Ізтлеуова Айғаным Қорабайқызы, Ел ертеңі — бүгінгі мектепте


Ел ертеңі — бүгінгі мектепте

Мақала авторы: Ізтлеуова Айғаным Қорабайқызы
Жұмыс орны: "№4 орта мектебі"мм
Лауазымы: Биология пәнінің мұғалімі
Жариялану мерзімі: 31.10.2016


Мектеп-болашақ негізін қалыптастыратын , тұлғалар баптайтын құтты мекен,алтын ұя. Ауданымыздағы №4 орта мектебінің ғимараты 1974 жылы салынып, 160 балаға араналған балабақша болып құрылған. Ата -аналардың ұсынысымен 1996 жылы дара бастауыш мектеп болып ашылды. Мектептің алғашқы директоры Нұржамал Сағырованың басшылығымен басталды. Алғашында бастауыш сыныптардың оқушыларын қабылдаған мектепте 120 оқушы білім алды. Оқушыларға 10 мұғалім сабақ берді.Олар:Сағырова Нұржамал, Нұрадинова Айнагүл, Тажмағанбетова Шалқаргүл, Тлеумбетова Ғалия, Құлжұмырова Алмагүл,Садықова Жұмагүл, Жаманова Күлпәш, Аяпов Досым, Ахметова Айша, Ерімбетова Жәмила.
Мектептегі оқу- тәрбие жұмыстарын басқара отырып, белгілі нәтижелерге қол жеткізді.Мәселен, 34 оқушы үздік білімімен көзге түссе,33 оқушы екпінділер қатарына қосылды. Араға жыл салып 1997 жылы негізгі мектеп болып, 2002-2003 оқу жылынан бастап орта мектеп болып ашылды. Мектептің директоры Қайралап Байдрахман Нағиұлы тағайындалды. Мектепте 322 оқушы білім алып, оларға 50-ге жуық мұғалім сабақ берді. Мектеп ұстаздары оқу- тәрбие жұмысына тиімді жаңалықтар енгізіп, оның сапасын көтеруге оңды әсерін тигізді. Мектеп алғашқы түлектерін 2004 жылы ұшырды. Бір кезде балабақша болып ашылған мектеп өзінің өсу — өркендеу жолында талай қиындықпен табысты сәттерді бастан кеше отырып , бүгінгі тәуелсіз елдін талантты балаларын оқытатын мектеп дәрежесіне дейін көтерілді.Биыл мектептің құрылғанына 20 жыл толады. 20 жыл бұл дүние тарихы үшін қысқа мерзім,ал білім ордасы үшін тарихтың бір бөлігі.Байдрахман Нағиұлы 2005 жылға дейін басшылық жасап, парасаттылықтың, ізденімпаздылықтың сара жолын салды. Тәжірибелі, үлкен адамгершілігімен басшы бола білген Ахмет Берден Жалғабайұлы 2005-2010 жылға дейін алдыңғы буынның салған сара жолын жалғастыра білді.
«Шеберлік ізденістен басталады» бағытында жұмыс жасайтын №4 орта мектепте 2010 жылдың сәуір айынан бастап Оспанова Әлия Оспанқызы басшылық жасады.Сол кезде 311оқушы білім алды.Оларға жоғарғы білімді 61мұғалім тәлім-тәрбие берді. Жыл бойы жүргізілген жүйелі жұмыстар нәтижесінде білімнің сапалық көрсеткіші артып, Жиенбаева Ләззат, Басмағанбетова Элеонора, Енсепова Күнжәмила, Есенқазақова Ақмарал, Ашықбаева Мирамгүл, Сарина Ғалия, Бұсырманова Орындық, Мусина Жұмагүл,Абжапарова Камшат облыс әкімінің «Үздік педагог» марафонының грант иегерлері атанды.
Республикалық «Ауылдың гүлденуі-Қазақстанның гүлденуі» Жастар марафон-эстафетасының қорытындысында «Үздік білім беру ұйымы» номинациясы бойынша жеңімпаз атанып автокөлікке ие болды. 2016 жылдың үлкен мерейтойы ҚР Тәуелсіздігінің 25 жылдығы . Осы мерекемен тұспа-тұс келіп отырған мектебіміздің 20 жылдығы. Өткенге көз жүгіртер болсақ, абыройлы қызмет атқарып, келер ұрпаққа із қалдырған ардагер-ұстаздар Қайралап Байдрахман , Пұсырманова Орындық , Қитаманова Айсұлу, Сейіл Тыныштық, Бақтыбаева Набат білім ордасында шәкірттеріне ізгіліктің, парасаттылықтың, Отансүйгіштіктің үлгісін көрсете біліп, мектеп мақтанышына айналды. Білімнің қайнаған ошағында ардагер ұстаздарымыздың жас буынға көрсетер үлгі-өнегесі ерекше болды Білім алушылардың сапалы білім алуына, материалдық базаның алатын орны ерекше екені белгілі.Сондықтан мектеп ғимараты, «Азамат» спорт-кешені аудандық бюджет есебінен күрделі жөндеуден өткізіліп, мектеп ұжымы мен оқушылардың шығармашылық жұмыс жасауына тың серпін берді. Мектепті заман ағымына қарай жаңашыл үрдісте басқарып,білім беру мен тәрбие жұмысын жаңа педагогикалық технологиялар негізінде ұйымдастырып, “Жаратылыстану бағыты бойынша кіріктіріп оқыту технологиясының тиімділігі”тақырыбында облыстық эксперимент алаңына енгізілген болатын.Нәтижесінде ауқымды жұмыстар атқарылып,облыс деңгейінде эксперимент қорытындысы сараланатын болады.«АКТ-ны ауыл мектептерінде тиімді пайдалану» тақырыбындағы облыстық байқауында өзінің бастамашыл озық ойларымен белсенділік танытып, жаңашылдық тұрғыда шығармашылық үлес қосқаны үшін мектеп ұжымы ІІ дәрежелі дипломмен марапатталды. 2016 жылы өткен «Үздік білім беру ұйымы» аудандық байқауында Алғыс хатпен марапатталды.
Мектеп ауласын абаттандыруда мектеп ұжымының ауызбіршілікпен нәтижелі жұмыс жасағаны баршаға аян.20 жылдық тарихы бар жас білім ордасы «Аймақты абаттандыру ісі бойынша үздік білім беру ұйымы -2016» атты өткен облыстық байқауда жүлделі үшінші орынды иеленіп, аудан мәртебесін үстем етті. «Жас ұрпақтың ауылдың гүлденуіне қосар үлесі»тақырыбындағы аудандық байқауда ең үздік дәрежеде көгалдандыру жұмысын атқарғаны үшін «Көгалдандыру бойынша Үздік бригада» номинациясын иеленді. Көгалдандыру кезіндегі ерекшелік – мектеп ауласының тәжірибе алаңына қызанақ, бұрыш түрлері, баялды, картоп т.б.егіліп, айырықша жасалынған күтімнің арқасында өз жемісін берді.Шыққан өнім қалашығымыздағы тұрғындарға таратылып берілді.Мектеп ауласын абаттандыруда мектеп директорының бейіндік оқыту жөніндегі орынбасары Күнжамила Еңсепова «Өсімдіктер дүниесінің шебері» атағын иеленді.
Қайырымдылық- адамның асыл қасиеттерінің бірі.Үш жыл қатарынан ұжымның қолдауымен құрбандық шалынып, көмекті қажет ететін отбасыларға ізгіліктің көрінісі көрсетіліп жүр. Қайырымдылық жасасаң, қайырын өзің көресің,-демекші қандай қайырымды істер жасасаң да барлығы өзіңе, отбасыңа шарапаты тиері сөзсіз.
«Түлектерім ұшып шыққан ұядан» атты әр жылғы түлектермен кездесу , дөңгелек үстел, кофе-бринг, «Ең үздік зерткер »байқауы, «Тәуелсіздік жыршысы» атты айтыс, факультативтер және үйірмелер шеруі, «Ең үздік әдістемелік бірлестік жетекшісі», «Алтын сақа» , спорт жарыстары т.б. жоспарлы жүргізіліп отырады.Мерейтой жылындағы «Мектебіме 20 жыл » тақырыбында сыр-сұхбат, өлеңдер байқауы, жоба қорғау, мамандық таңдау т.б.жоспарлануда.Мектептің Гимні жергілікті, сазгер -ақын Сайлаубек Елмановтың қаламынан туындап, 20 жылдық мерекесіне арналып ту жасалынды.
Мектептің ұстаздары үлкен жауапкершілік сезімімен оқушыға тиянақты білім беріп қана қоймай, таусылмас қажыр қайрат жұмсай отырып, өсіп келе жатқан ұрпақты адалдыққа, адамгершілікке, Отанға деген сүйіспеншілікке, жоғары өнегелі қасиеттерді шығармашылықпен іске асырып келеді.Осындай нәтижелі еңбектің арқасында мектептің оқушылары түрлі дәрежедегі байқауларда жеңіске жетіп, мектептің абыройын асқақтатып жүр.”Шәкіртсіз ұстаз тұл” деп тегін айтылмаса керек.Сондықтан да, балаларды білім нәрімен сусындатып,биік армандарға жетелейтін ұстаздың қоғамдағы орны да ерекше. Мектебімізде оқушыларға терең де, тиянақты білім беріп,өз сабақтарында түрлі инновациялық әдіс -тәсілдерді пайдаланып, жемісті еңбегінің арқасында жеңіс тұғырына жетіп жүрген тәжірибелі ұстаздар Құлмұратова Сәния, Елманова Райла, Құлбарақова Жадыра,Еңсепова Күнжәмилә,Ерімбетова Жәмилә,Мусаева Бибігүл ,Медетова Кәлия соңынан ерген жас ұстаздарға үлгі өнеге.Тарих пәні мұғалімі Қанатбаева Айгүлдің шәкірті 11-сынып оқушысы Әндірбаева Аяжан республикалық Яссауитану байқауында оқ бойы оза шауып жүлдегер атанып,мемлекеттік грантты иеленді.Дене шынықтыру пәні мұғалімі Аяпова Назгүлдің шәкірті 7-сынып оқушысы Жақсылықова Арина халықаралық тоғызқұмалақ жарысында жүлделі 2-орынды иеленді.Қазақстан Республикасы Тәуелсіздігінің 25 жылдығы аясында білім беру ұйымдарының педагогтері арасында өткізілген облыстық “Жемқорлықсыз жол-сенімді жол” атты онлайн педагогикалық олимпиадасында мектеп директорының тәрбие жөніндегі орынбасары Әлиманова Саягүл II дәрежелі дипломмен марапатталды. «Қазақ елінің үздік ұстазы» медаліне Бұрқан Күлжанар,Құлтанбаева Мира,Оразалина Алмагүл,Жиенбаева Ләззат,Қырғызбаева Дайрагүл ие болды.
Еліміздің туын көкке көтеріп, даңқын арттырып жүрген Молжанов Құрал, Тұрғанбаева Мейрамгүл, Медеубаев Ербол, Салин Азамат, Шойғарина Кенжетай, Әбдімұратов Сәулет, Тұрғанбаеав Нұрғиса, Мерғалиев Нұркен, Есенжолов Әділбек, Здан Нұрболат, Бөлеков Мұхаммед, Әбдіжамулов Бейбарыс т.б. мектеп түлектерінің еңбек жолындағы және спортта алған белестері қуантады.Мектепте абыройлы еңбек етіп ,бүгінгі таңда облыста және ауданның әр саласында қызмет етіп, зор беделге ие болып жүрген әріптестеріміз Оспанова Әлия, Сейтмағанбетова Жанар,Ахмет Берден, Елғондина Гүлжанат, Оразова Гүлмира,Төрежанова Әлия, Жамалова Алтынай , Исаев Қорғанбек, Басмағанбетова Эленора, Жақсыбаева Нұргүл, Жадырасынова Алмагүл, Тлеужан Әсемгүл, Қонысова Жаниса, Беркімбаев Алтынбай, Утемамбетова Айгерім,Рысмағанбетова Гүлім. Мектеп ұжымы биік шыңға жетелеген шабытының, ерен еңбегінің нәтижесінде белестерді бағындырып келеді.Еңселі еліміздің ертеңі мен болашағы бақытты да баянды болып, қашан да ел үмітін ақтайтын «Білім»атты кемеде бірге жүзіп келе жатқаны мәртебе.

Комментарии