Өнегелі жанұя

Өнегелі жанұя
Тонбаева Маржан, Мәртебесі биік жүрегі кең аналар!


Мәртебесі биік жүрегі кең аналар!

Мақала авторы: Тонбаева Маржан
Жұмыс орны: Жамбыл облысы, Меркі ауылы, №20 Т.Рысқұлов атындағы орта мектеп
Лауазымы: Мұғалім
Жариялану мерзімі: 14.03.2017


Тоғыз ай бойы барлық ауырлықтарға шыдап, толғақтың қиындығын бастан өткергені: тегін

Түні бойы жылағанымызда ұйықтамай, ауырғанымызда дәрігерге апарғаны, үнемі жанымызда болғаны: тегін

Бізді жуындырып, нәжісімізді тазалап, киімдерімізді үтіктегені: тегін

Ойыншықтар, тамақ, киім, тіпті мұрнымызды сүрткені де: тегін

Бізді жығылып қала ма деп уайымдаған және әлі де уайымдайтын сәттері: тегін

Бізге деген жүрек толы махаббаты да: тегін

Дүние есігін ашқан сәттен бастап, ұядан ұшып, қанат қағуымызға демеу болған аналарымызға не жақсылық жасасақта  артық етпес. Күйбең тірліктің арқасында кейде аналарымызға көңіл бөлуді ұмытып кететініміз де жалған емес. Сонда да ананың көңілі бала да, баланың көңілі далада. Қазақ атамыздың әрбір мақалының да маңызы, мән-мағынасы зор ғой. Дегенмен, ананың қадірін балалы болғанда білесің. Қазіргі таңда өзімізде ана болып ұрпақ тәрбиелеудеміз.Ананың қадірін толғақтың қиындығын бастан кешкенде ғана шындап түсінгендей сезіндім. Ал сол сәбиіміздің іңгәләған дыбысы шыққанда, сырқаттанып қалғанда ең алдымен қасымызға екінші анамыз, яғни енеміз жетіп келеді. Ол кісілердің де зор еңбегі бар.Сол  себепті де осындай теңдесі жоқ, керемет жандарға, барша аналарға құттықтау сөз жолдағым келеді!

Мәртебесі әрқашанда биік, жүрегі кең аналар! Сіздерді халықаралық 8-наурыз төл мерекелеріңізбен шын жүректен құттықтап, денсаулық, сұлулық, бақыт, қуаныш тілеймін. Әрқашан мына өмірге сән беріп, жылу таратып, мейірім төгіп, шуақ шашып тұрғандарыңыз үшін Сіздер әрқашанда өздеріңіздің сыйлы,  сүйікті, қадірлі екендеріңізді, сіздерсіз мына дүие бос екенін ұмытпаңыздар!

Комментарии