Ұстаз туралы жыр

Ұстаз туралы жыр
Каражанова Бибигул Тулегеновна, Мұғалім бақыты — шәкірт құрметі


Мұғалім бақыты — шәкірт құрметі

Мақала авторы: Каражанова Бибигул Тулегеновна
Жұмыс орны: Ы.Мұхамеджанов атындағы орта мектеп
Лауазымы: қазақ тілі, әдебиеті пәндерінің мұғалімі
Жариялану мерзімі: 05.11.2016


Иманбай Әзила Елубайқызы- 1950 жылы 11 қаңтарда Ақтөбе облысы, Қандыағаш елді мекенінде өмірге келген. 1965-1969 жылдары арасында Қызылорда қаласындағы М.Мәметова атындағы қыздар педагогикалық училищесінде  бастауыш сынып мамандығы бойынша дәріс алған. 1986-1991 жылдары Қ.Жұбанов атындағы Ақтөбе педагогикалық институтында бастауыш сынып мұғалімі біліктілігін алып шығады. 1969-2009 жылдар арасында Ы.Мұхамеджанов атындағы негізгі мектебінде бастауыш сынып мұғалімі қызметін атқарды. 40 жыл педагогикалық еңбек өтілі бар, жоғары білімді, жоғары санатты зейнеткер ұстаз. Еңбек жолында көптеген шәкірт тәрбиелеп, соның ішінде отызға жуығы мұғалім мамандығын игеріп келе жатыр. Өзінің бауырлары, балалары да мұғалім мамандығын таңдап, қазіргі таңда сол салада жұмыс жасап жатыр. Әзила Елубайқызының бірқатар тәрбиелеген шәкірттері «Алтын белгіге» ұсынылып, соны ақтап Қазақстанның болашағы үшін еңбек етіп, тер төгіп жүрген жандар. Аудандық, облыстық білім бөлімдерінің бірнеше мәрте «Құрмет қағазы» мен бағалы сыйлықтарына ие болды. Ұлы Жеңістің 70 жылдық мерейтойына орай мерекелік төсбелгісімен марапатталды. Педагогтардың облыстық  «Әдіскер жаршысы» ғылыми әдістемелік журналына «Қонақжайлық» атты сабағы жарияланды, Республикалық балалардың «Айгөлек» журналына суреттері жарияланды. «Тіл дамыту» авторлық бағдарламасын жасады.

«Мұғалімдік мамандық – бұл адамтану, адамның күрделі және қызықты, шым-шытырығы мол рухани жан дүниесіне үңіле білу. Педагогикалық шеберлік пен педагогикалық өнер – ол даналықты жүректен ұға білу болып табылады» деген ұлы педагог В.А.Сухомлинскийдің осы сөзі дәл біздің кейіпкерімізге арналғандай. Ұстаз бақыты – кез-келген адамның маңдайына қона беретін бақ емес. Осы бақ мектебізде талай жылдардан бері қызмет жасап, бүгінде еңбегінің жемісін көріп отырған зейнеткер ұстазымызға қонған десек артық айтқандық болмайды.

Ауылға дипломмен жас мұғалім ретінде келіп, талай шәкірттерді білім нәрімен сусындатқан ұлағатты ұстаз Иманбй Әзила Елубайқызы туралы айтпай кету мүмкін емес.  Иманбай Әзила Елубайқызы 1950 жылы 11 қаңтарда Ақтөбе облысы, Қандыағаш елді мекенінде өмірге келіп, 1965-1969 жылдары арасында Қызылорда қаласындағы М.Мәметова атындағы қыздар педагогикалық училищесінде дәріс алады. Жұмыс істей жүріп, Ақтөбе қаласындағы Қ.Жұбанов атындағы педагогикалық институтының бастауыш  сынып бөлімшесін тәмамдайды. Қазіргі таңда Әзила Елубайқызы  40 жыл педагогикалық еңбек өтілі бар, жоғары білімді, жоғары санатты зейнеткер ұстаз, аяулы әже. Бар өмірінің  40 жылдайын осы мектептің шәкірттеріне білім беріп, оларды жақсылыққа тәрбиелеген  Иманбай Әзила Елубайқызы сынды ұстаздың мектеп қабырғасында қалдырған орны әлі күнге дейін ойсырап тұрғандай.

Әкесі Иманбаев Елубай да мұғалімдік қызмет атқарып, бар ғұмырын шәкірттерге арнаған. Әзила Елубайқызының бауырлары да әкелерінің жолын қуып, ұстаздық қызметтерін адал атқарып келе жатқан абзал жандар. Әзила Елубайқызы ұстаздар династиясынан тәрбие алып қана қоймай, артынан ерген шәкірттерін де ұстаздық жолға баули білді. Өзінің өзегін жарып шыққан балалары да ұстаздар династиясын жалғаған, жоғары білімді, жоғары санатты қазақ тілі әдебиеті пәні мұғалімдері. Өз шәкірттерін ізгілікке баулып, жақсылыққа тәрбиелейтін, өміріне азық болар білім берген осы жанның алдынан қанаттанып ұшқан шәкірттері әлі күнге шейін ұлағатты ұстаздарын ұмытпайды. Олар бүгінде тәуелсіз Қазақстанның көркейіп өсіп-өнуі үшін еліміздің түкпір-түкпірінде әр түрлі салада еңбек етіп жүр. Олардың тәрбиелеген ұл-қыздары мен шәкірттері бүгінде елге сыйлы, ғылымға, білімге, әдебиетке, жалпы рухани кеңістікке өз үлестерін қосып жүрген жандарға айналған. Ұлағатты ұстаздың отыздан астам шәкірттері өз ұстазының жолын қуып, қазіргі таңда мектептерде мұғалімдік қызмет атқарап келеді. Мектебіздің бүгінгі басшылары Маржан Мырзалықызы мен Ажар Алданғарқызы, Жанмира Мұхамедқалиқызын қоса алғанда, мектеп ұжымының тең жартысы осы ұстаздан білім алып, осы жандарға еліктеп, ұстаздық жолды таңдағандар. Жиырмаға жуық ұстаздың шәкірттері, үздік куәлік иелері әр түрлі салада қызмет атқарып келеді. Бұл да- ұстаздың жемісі.

Мұғалім деген көп, ұстаз деген ілуде біреу деген емес пе? Бұл ұстаздардың ерекшелігі – туа біткен ұстаз, бар жан-дүниесімен ұстаз деп айтсақ, артық айтқандық емес. Облыс, одан қалды Республика көлемінде аты аталып, облыстық, республикалық басылымдарға мақалалары жарияланған жан. Атап айтсақ: Республикалық «Айгөлек» журналына шәкірттерін бірауыздан бір жылға толық жазғызып, балалар журналының басты бетіне ұстаздың өз класымен бірге түскен суреті, облыстық педагогтардың «Әдіскер жаршысы» журналына «Қонақжайлық» атты сабағы, ұстаздың «Тіл дамыту» атты авторлық бағдарламалары өз алдына бір төбе.

«Ең алдымен сендер өздеріңе сеніңдер, сендердің қолдарыңнан көп нәрсе келеді…» деп, шәкірт қолына бақыт кілтін ұстатқан, бар қажыр-қайратын болашақ ұрпаққа арнаған осы асыл жанның салып кеткен соқпақ жолын біздер талмай еңбектеніп, алға жетелеуіміз тиіс. Ы.Мұхамеджанов атындағы білім ордасында қызмет істеген Әзила Елубайқызынан білім алып шыққан шәкірттер-ертеңгі ел тізгінін ұстар азамат болатындары айдан анық.

Ұстаздар династиясы жөнінде ақпарат.

  1. Иманбаев Елубай- 1953 жылдары Пролетарский совхозының Восток, Шевченко бөлімшелерінде ұстаздық қызмет атқарған. Қыздары:
  2. Иманбай Әзила Елубайқызы- 1969-2009 жылдар аралығында Ы.Мұхамеджанов атындағы негізгі мектебінде бастауыш сынып мұғалімі қызметін атқарды. Жоғары санатты, жоғары білімді ұстаз, еңбек өтілі 40 жыл
  3. Қонарова Күлпан Елубайқызы- Қандыағаш қалалық №5 орта мектебінде бастауыш сынып мұғалімі қызметін атқарған. І санатты, жоғары білімді ұстаз, еңбек өтілі 27 жыл.
  4. Досымбекова Кенже Елубайқызы-Қандыағаш қалалық №1 орта мектебінде бастауыш сынып мұғалімі қызметін атқарды. Жоғары білімді, жоғары санатты ұстаз, еңбек өтілі 33 жыл.

Иманбай Әзила Елубайқызының балалары:

  1. Әбілова Нұргүл Төлегенқызы-Қандыағаш қалалық №5 орта мектебінде қазақ тілі, әдебиеті пәні мұғалімі қызметін атқарып келеді. Жоғары білімді, жоғары санатты ұстаз. Еңбек өтілі 21 жыл.
  2. Қаражанова Бибігүл Төлегенқызы-Ы.Мұхамеджанов атындағы орта мектепте қазақ тілі, әдебиеті пәні мұғалімі қызметін атқарып келеді. Жоғары білімді, жоғары санатты ұстаз. Еңбек өтілі 22 жыл.

Комментарии