Мамандығым мақтанышым

Мамандығым мақтанышым
Тонбаева Маржан, Мұғалім — жаңалықтың жаршысы


Мұғалім — жаңалықтың жаршысы

Мақала авторы: Тонбаева Маржан
Жұмыс орны: Жамбыл облысы, Меркі ауылы, №20 Т.Рысқұлов атындағы орта мектеп
Лауазымы: мұғалім
Жариялану мерзімі: 17.03.2017


Таң атты. Жұмысқа келе жатып бүгінгі жұмысымды ойлап келем… Байқағыштық, түсінісу және сол адамның мінезін, ойы мен іс-әрекетін түсіне білу, мейірім төге білу, кез-келген жағдайға дайын болу, шәкірттің бойына білімді игерте алу, өзін-өзі және өзгені бағалай білу қабілеттері – бұл нағыз ұстаздың негізгі қасиеттерінің бірі болып саналатындығын білемін. Таза ауада балалардың мектеп алдында ойнап жүрген дауыстары анық естіліп келеді. Бір тамшы – мейірім, бір тамшы – қамқорлық,  бір тамшы – махаббатқа,  шын көңілмен назар аударғанға қаншама бала зәру десеңші?.. Алақанға осының бәрін сыйғызып, қамқорлықпен әр балаға шамам жеткенше жеткізе білуім керек! Бұл қамқоршы жан, мұғалімнің міндеті. Мұғалім болу оңай іс емес. Екі жылдық жұмыс өтілімім барысында, оқушылардың талпынысын оятуда мұғалімнің атқарар рөлі ерекше екеніне көз жеткіздім. Иә, мектеп жұмысын өрістетудегі негізгі тұлға – мұғалім. Сын тұрғысынан ойлау, модульдік оқыту, жаңа технологияны тиімді пайдалану, тағысын тағы жаңа әдістерді қолданушы жан. Мұнда ұстаз оқыту үдерісінің көшбасшысы сонымен қатар оқушылармен тең әрекеттесетін жан иесі болып табылады. Оқытушыларды оқыта отырып өз оқуын дамытушы жандар кім? Әрине, ол тағы да ұстаз.Міне менің таңдаған жолым. Иә, иә.Мен осы жолды таңдадым! Білікті ұстаз болу арманым. Арманым, егеменді ел қылып отырған, тереземізді тең қылып отырған елбасымыз секілді шәкірттер оқытып, тәрбиелеу. Сол шәкірттердің жетістіктеріне куә болу!

Комментарии