Туған жерге тағзым

Туған жерге тағзым
Текеева Жанша Тажибаевна, Наурыз мерекесімен құттықтау


Наурыз мерекесімен құттықтау

Мақала авторы: Текеева Жанша Тажибаевна
Жұмыс орны: НЗМ Атырау
Лауазымы: Мұғалім
Жариялану мерзімі: 21.03.2016


Жаңару мен жасарудың  ұлық мерекесі Наурыз құтты болсын!

  Бүгінгі күн Табиғат -Ана күннің мейірімінен бойына бар жылылықты сіңіріп, Жер-Ананың  тоңы жібіп,  алғашқы көктің бүр жарғанын көріп бойыңды жылылық билегендей сезінесің.Қыс бойғы бұйығылықтан бойын босата бастаған адамдар ыдысын аққа толтырып, бір-бірімен арқа-жарқа болып көрісіп, аман-саулығын сұрап, құшақтасып төс түйістіріп жатыр. Ақ ниетпен «Бір жасыңмен!» деп ақ тілектерін ақтарады. Осындай бақыт сыйлайтын  мерекені күллі мұсылман халқымен бірге қазақстандықтар да тойлап жатыр.

      Наурызда қасиетті қара жердің топырағы бусанып жібіген кезде дала төсі быртиған көкке толып, жер жаһан жасылға бөленер шақ туды.    

      Елімізге жеткен осынау Ұлы мереке- достық пен ынтымақтың мерекесі.

Бұл мерекеге Сіздер де үлкен тартумен келдіңіздер деп білемін.Бүгінгі Ұлы Дала Елінің зиялы, зияткер  ұлдары мен қыздарын тәрбиелеп жатқан  ұлы тұлға Ұстазға көрсеткен  игі істеріңіз мол. Сіздерге барша қазақстандық Ұстаздар атынан алғыс білдіремін.

     Құрметті «Тәлімгер» журналының шығармашылық  алқасы!  Сіздерді Ұлыстың Ұлы күнімен құттықтай отырып, Сіздің ұжымға шығармашылық шабыт, жанұяларыңызға бақыт пен береке тілеймін! Сіздердің журналыңыз арқылы ел -жұртының қадірлісі болған мұғалім есімі көпке танымал бола алды. Сіздерді Ұлы Дала елінің жаршысы болатынына сенімім мол.  Сіздерге деген құрметпен            

                                                                              Текеева  Жанша Тажибаевна

                                       Атырау қаласындағы химия-биология бағытындағы

                                     Назарбаев Зияткерлік мектебінің қазақ тілі мен әдебиеті  пәнінің мұғалімі.

 

Комментарии