Мамандығым мақтанышым

Мамандығым мақтанышым
Алимова Акгуль Едиресовна, Өз сыныбым


Өз сыныбым

Мақала авторы: Алимова Акгуль Едиресовна
Жұмыс орны: ММ"Мичурин орта мектебі"
Лауазымы: Математика пәнінің мұғалімі
Жариялану мерзімі: 12.11.2017


Өз сыныбым-мақтанышым!

Адам қанша жыл өмір сүрсе де, қандай іспен айналысса да, өміріндегі ең ұмытылмас сәттер болып мектепте өткізген уақыт қалатыны рас. Мектеп-білім айдыныдағы үлкен кеме. Ал, мұғалім оның ішінде сынып жетекшісі осы қоғамдық орында баламен, ата-анамен ынтымақтаса байланыста жұмыс жасайтын негізгі адам.
Сынып жетекшісі болу — бұл өз оқушыларының ортасындағы қарым –қатынас қуанышына кенелу. «Тәрбие – тұрмысты дұрыс ұйымдастыра білуде, балаға әркімнің өз жеке басы арқылы өмірімен, қоғамның мақсат-міндеттерімен байланысты болуы керек»,- деп А.С.Макаренко айтқандай бала жанын түсінетін бірден-бір тұлға ол – сынып жетекшісі.
Менің осы 9- сыныпқа жетекшілік еткеніме 3 жыл уақыт болыпты. Мен өз сыныбыммен бірге жүріп, әр қайсыларының мінездерін, әдеттерін, жақсы жақтарын көре білдім. Мен қазіргі таңда өз сыныбымды мақтанышпен айта аламын. Өйткені олар әр уақытта да мектепішілік ұйымдастырылған іс-шаралардың белсенді мүшелері. Сонымен  бірге, мұғалім-ата-ана-оқушы үштік байланыста, ынтымақтаса отырып, бірқатар жұмыстарды атқардық. Атап айтсам, «Мамандық таңдау-ертеңді ойлау» атты — коучинг. Осы іс-шараға ұстаздар, ата-аналар, оқушылар қатысты.Болашақта қандай маман иесі болу , кім болам деген сұрақтарға өз жауаптарын, ой-толғаныстарын жеткізіп, пікір алысты. Сөзімнің дәлелі ретінде айта кетейін, сыныбымдағы 4қыз бала, 7 ер баланың әрқайсысы да өнерлі жандар. Барлығы да мектебіміздегі спорттық секцияның белсенді мүшелері, үнемі спорттық сөмкелерін асынып алып, бос уақыттарын спорт залда өткізеді. Оның нәтижесі де жоқ емес. Аудандық ,облыстық жарыстарға спорттың әр түрімен қатысып,  футбол, грек-рим күресі, бокс , велоспортпен айналысып жүр.Сонымен қатар облыстық «Мирас»мәдениет үйінің үйірмесіне 2 оқушым қатысып, жүлделі орындарға ие болып жүр.  «Жігіттің сұлтаны-2017» -3 селолық округтің мектептері арасында мектебіміздің басшысының кубогын, яғни бас жүлдені Смагул Мырзакмет жеңіп алды. Аудандық  қазақ әдебиетінен Мұқағали оқулары сайысына Ахметова Дильназ  қатысып, жүлделі  2 орынды иеленді. Аудандық  пәндік олимпиададан , математикадан  Жуманазарова Аида қатысып, 3 орынға , ал аудандық ғылыми — зерттеу жұмыстарымен 2 оқушы, географиядан -Құдайбергенов Алинұр-2 орынға, ал математикадан- Жуманазарова Аида -2 орынды иеленді. Осындай жетістіктерге, әрине мектеп әкімшілігі мен ұстаздар ұжымының үлестері зор.Міне, сыныбыммен осындай ұйымшылдықпен жұмыс жүргізе жүріп , ұстаздық жолында менің түйгенім: «Бала – нәзік тамыршы».
Ол — ең адал, пәк мінезді, турашыл, айтқаныңды бұлжытпай орындайтын, сенімшіл, болашаққа ақиқатпен қарайтын нәзік жан. Ендеше, ұстазы әділ, адал болса, шәкірт озады.
Алда, алар асуымыз, бағындырар белесіміз әлі де көп. Алдағы уақытта бірлігіміз нығайып, биік белестерді бағындыра берейік деп тілеймін.
Сынып жетекшісі -Күн болса, шуағы шәкірттері емес пе?! Ол шуақ мәңгі баланың жанында жылу беріп, ақыл беріп тұрғандай сезіледі.
Ғылымда жолы болар ұстамдының,
Білімдіні замандасым құптар бүгін.
«Ат басындай» алтынға ауыстырмас,
Ол менің мамандығым, ұстаздығым
Сыныбым, мақтанышым ұландарым,
Иесі болашақтың қырандарым.
Болса да сәл тентектеу, әрі ерке
Жайқалған жас қайың ғой, шынарларым.
Кенжесі, әрбір үйдің еркетайлар,
Тұңғышы тағы да бар гүлдей жайнар.
Ата- әже мәпелер немерелер,
Кілең тәтті сүйкімді құлын-тайлар
Сынып жетешісімін, жауаптымын,
Бағын ашам талаптының.
Тәрбиешімін, тәрбиелеймін,
Білемін Ұстаздықтың ғажаптығын.

Комментарии