Адам және қоғам

Адам және қоғам
Жұманова Айгерім, Жақсылық жасауға асығайық!


Жақсылық жасауға асығайық!

Мақала авторы: Жұманова Айгерім
Жұмыс орны: №169 мектеп-лицей
Лауазымы: әлеуметтік педагог
Жариялану мерзімі: 27.01.2017


«Заманауи әлемде елдің қуаты өскелең ұрпақ білімімен қатар тәрбиесімен өлшенеді» -деп Елбасы Н.Ә.Назарбаев айтқандай  бәсекеге қабілетті тұлға тәрбиелеу – ата-ана, мектеп және ұстаздар ұжымының басты міндеті.

Мұқтаж – жандарға қол ұшын беру – азаматтық парыз. Осы орайда №169 мектеп- лицейінде  2017 жылдың 10 қаңтар мен 10 ақпан аралығында«Қамқорлық» қайырымдылық акциясы өтіп жатыр.

Бұл акцияның мақсаты — оқумен қамтылмаған мектеп жасындағы балаларды анықтау, сондай-ақ материалдық көмекке мұқтаж көпбалалы, аз қамтылған отбасыларға, жетім және жартылай жетім, қамқорлыққа алынған балаларға әлеуметтік көмек көрсету, сондай-ақ әлеуметтік себептер бойынша балалардың сабаққа келмей қалуын болдырмау. Акция өткізу барысында жағдайы төмен отбасыдан шыққан балаларды, сондай-ақ материалдық көмек көрсетуге мұқтаж және әлеуметтік себептер бойынша сабаққа келмей жүрген балаларды анықтау үшін рейдтер жүргізіліп жатыр. Рейд нәтижелері бойынша әлеуметтік көмек көрсетуге мұқтаж отбасы балаларының тізімдері жасалды. Мектеп ұжымы игі шараға өз үлестерін қосып, көмекке мұқтаж жандарға демеу болды.  «Жұмыла көтерген жүк жеңіл» демекші, №169 мектеп – лицейінің ұстаздары бұл шараға жауапкершілікпен қарап, игілікті істің бастамасы болды. Сонымен қатар  мектебіміздің  ата-аналары да аталмыш акциядан шет қалып жатқан жоқ.

Қайырымдылық акциясы барысында  жақсылық жасауға жандары құмар, жүректері мейірімге толы жомарт жандарға айтар алғысымыз шексіз.

Комментарии