Білім берудің негіздері

Білім берудің негіздері
Мухышева Гульмира Мрашкызы, ЖАҢА АҚПАРАТТЫҚ ТЕХНОЛОГИЯ – БІЛІМ САЛАСЫНДАҒЫ ТРАНСФОРМАЦИЯНЫҢ БАСТАУЫ


ЖАҢА АҚПАРАТТЫҚ ТЕХНОЛОГИЯ – БІЛІМ САЛАСЫНДАҒЫ ТРАНСФОРМАЦИЯНЫҢ БАСТАУЫ

Мақала авторы: Мухышева Гульмира Мрашкызы
Жұмыс орны: Арқалық қаласы, А.Құнанбаев атындағы №6 жалпы орта білім беретін мектеп
Лауазымы: Информатика пәнінің мұғалімі
Жариялану мерзімі: 07.12.2016


«Әлем өзгергендіктен сіз де өзгересіз
және қазіргі сәтте өзгеріссіз қалу өте қауіпті екенін
білесіз.Сіз өзгересіз,себебі сіз білім алғанды,білім
бергенді жақсы көресіз,тез өзгеретін әлемде балаға
бағыт беріп отыратын,білім беретін сіз қажетсіз.
Сондықтан сізде,балада өзгеруі қажет »
С.Бич.
Егеменді еліміздің ең басты мақсаты өркениетті елдер қатарына көтерілу болса, ол өркениетке жетуде жан–жақты дамыған, рухани бай тұлғаның алатын орны ерекше. Қазіргі білім берудің басты мақсаты да жан-жақты дамыған, рухани бай жеке тұлға қалыптастыру болып табылады. Сондықтан заман талабына сай оқыту үрдісін жетілдіре отырып , қоғам сұранысына сай жеке тұлға қалыптастыру мәселесі бойынша оқушыларға жаңа ақпараттық технологияларды сабақта көптеп қолдану тиімділігі артып отыр. Жаңа ақпараттық технология электрондық есептеуіш техникасымен жұмыс істеуге, оқу барысында компьютерді пайдалануға, модельдеуге, электрондық оқулықтарды, интерактивті тақтаны қолдануға, интернетте жұмыс істеуге, компьютерлік оқыту бағдарламаларына негізделген. Сондықтан мұндай сабақ түрлері дәстүрлі емес сабаққа жатады. Жаңа ақпараттық технологияны қолдана отырып сабақ беру білім саласындағы трансформациялардың біріне жатады.
Қазіргі білім беру жүйесінің мақсаты — бәсекеге қабілетті маман дайындау. Осы мақсатта мұғалімдердің біліктіліктерін арттыру, оқыту жұмыстары басталып кетті. Білім саласындағы трансформацияларды ескере отырып, қазіргі қоғамдағы жаңа формация мұғалімі мына талаптарға сай болу керек:
 педагогикалық құралдардың барлығын меңгерген;
 тұрақты, өзін — өзі жетілдіруге талпынған;
 рухани дамыған;
 шығармашыл тұлға;
 ЖАТ-ны жетік білетін және оны сабақта қолдана алатын;
 жан-жақты, иновациалы.
Жаңа формация мұғалімі табысы, біліктері арқылы қалыптасады, дамиды. Нарық жағдайындағы мұғалімге қойылатын талаптар: бәсекеге қабілеттілігі, білім беру сапасының жоғары болуы, кәсіби шеберлігі, әдістемелік жұмыстағы шеберлігі.
Білім беру саласындағы көп қолданыста жүрген заманауи құралдары:
— Интерактивті тақта;
— Мультимедия;
— Интернет кеңістігі;
— Электронды оқулық.
Компьютерлік технологияны пайдалана отырып дарынды, орташа және үлгерімі төмен оқушыға сабақты ойдағыдай меңгеруіне мүмкіндік туғызады.
Оң мотивацияларды қалыптастыру – мұғалімнің кәсіби міндеті. Мотив оқушының танымдық қызығушылықтары, жаңа білім, іскерлік, дағдыны меңгерудегі қажеттіліктерімен тығыз байланысты. Жағымды жағдай туғызу үшін оқушыны коммуникативтілікке бағыттап, сабақта оқушы іс — әрекетін ынталандыратын ерекше сабақ формаларын таңдау керек. Мұғалімдердің тәжірибесі көрсеткендей, дәстүрлі емес сабақтарды ұйымдастыру оқушылардың сабаққа деген ынтасын арттырады. Бүгінгі күнде мұғалімдер оқушылардың жемісті және тиімді іс — әрекетін ұйымдастыру үшін белсенді түрде дәстүрлі емес сабақтарды пайдалануда. Дәстүрлі емес сабақ түрлеріне видеосабақтар, интернет сабақ, спектакль — сабақ, саяхат — сабақ және т. б. жатқызуға болады. Осы сабақ түрлері қазіргі кезде жиі қолданысқа енген.
Жаңа трансформацияны сабақта пайдаланудың тиімділігі:
 оқушының еркін ойлауына мүмкіндік береді;
 ақыл — ойын дамытады;
 шығармашылық белсендігін арттырады;
 ұжымдық іс — әрекетке тәрбиелейді;
 тіл байлығын жетілдіреді;
Білім саласына трансформацияның енуі оқушыны қазіргі қоғам сұранысына сай, өзінің өмірлік іс — әрекетінде дербес компьютердің құралдарын қажетті деңгейде пайдаланатын жан-жақты дара тұлға ретінде тәрбиелеуге көмектеседі. Орта мектептер білім саласына енген трансформацияға – жаңа ақпараттық технологияның енуіне өз үлестерін қосты. Қазіргі таңда оқытушы мен оқушы ЖАТ-мен өткізілген сабақтарға белсене қатысады. Бұл енгізілген трансформацияны меңгергенімізді білдіреді. Жаңа ақпараттық технологияның басты мақсаты сабақта берілетін ақпаратты заманауи жолдармен оқушыға жеткізу болып табылады.
Ізденімпаз мұғалімнің шығармашылығындағы ерекше тұс — оның сабақты түрлендіріп, тұлғаның жүрегіне жол таба білуі. Ұстаз атана білу, оны қадір тұту, қастерлеу, арындай таза ұстау — әр мұғалімнің борышы. Ол өз кәсібін, өз пәнін, барлық шәкіртін, мектебін шексіз сүйетін адам. Бұл заманауи, өз пәнін жетік меңгерген, 21 ғасыр талабына сай, жаңа ақпараттық технологияны меңгерген, кез келген трансформацияға үйренісе алатын ұстаздарға айтылған. Білім беру үрдісінде жаңа ақпараттық технологияларды қолдану мәселесі өзекті мәселелердің қатарынан орын алуда.
Егемен елдін мәртебесін көзі ашық, жан-жақты, білімді, алға қойған мақсаты бар,білімін шәкірттеріне жеткізе алатын ұстаздар ғана көтере алады.
Пайдаланған әдебиеттер:
1. Информатиканы оқыту теориясы мен технологиясы». Оқыту — әдістемелік кешен. Алматы – 2006 ж.
2. Л.Искакова, Ә.Беркутов «Информатиканы оқытудың технологиялық негіздері мен әдістемесі» Шымкент, 2003 ж.
3. Информатика «Ғылыми әдістемелік журнал». №6 2001 ж. 6-8 беттер.

Комментарии