Адам және қоғам

Адам және қоғам
Айдарова Дариға, Жастар және дін


Жастар және дін

Мақала авторы: Айдарова Дариға
Жұмыс орны: Рудный қаласы № 13 орта мектебі
Лауазымы: Тарих пәнінің мұғалімі
Жариялану мерзімі: 04.11.2016


Қазақстан Республикасы тәуелсіздігінің 25 жылдығы жемістің, жеңістің арқасында азаматтарымыздың ар-ождан бостандығы және дінге көзқарасы өзгерді. Дін – адамзат қоғамындағы аса күрделі де маңызды  әлеуметтік-мәдени сана. Діннің басты мақсаты – адамның рухани жетілуі және  исламның дәстүрлі дін екендігіне сенімі. Қазіргі таңда жастарымыздың көбі басқа ағымдардың жетегінде кетіп жатыр, жастарымызды қоя тұрғанда ақыл тоқтатқан, ақыл- есі  дұрыс ересек адамдардың өзі діннің мәнісіне бармай, адасып жатады.

Осыған байланысты 26-қазан күні Рудный қаласы № 19 орта мектебінде тарих пәнінің жоғары санатты мұғалімі Саналиев Ғали Ершетайұлы және директорының тәрбие-оқу ісі жөніндегі орынбасары Тұрсынбек Рахымжанұлының ұйымдастыруымен, Қазақстан Республикасының тәуелсіздігіне 25 жыл толуына және рухани келісім күніне арналған 8,9,10-сынып оқушыларымен  кездесу болып өтті. Мектеп директоры Гүлжазира Ғинятқызы Смагулова келген қонақтарды таныстырып, кездесудің мақсатын айқындап берді.

Кездесудің мақсаты, оқушыларға  зайырлылық мемлекет және дін туралы жалпы мәлімет бере отырып, ондағы жастардың орны, рөлі, мақсаты және өздерінің  дінге деген көзқарасын қалыптастырудағы іс-әрекетін түсіндіру, қазіргі Қазақстанның дінге деген ұстанымы және жастар саясатындағы зайырлылық ұғымының мазмұнын, жастардың арасында дінге жат пиғылдағы әрекеттердің болып жатқандығын, ондағы олардың дінге деген көзқарасы баяндау еді.

Рудный қалалық әкімдігінің ішкі саясат бөлімінің басшысы Алмат Аманболұлы Жылыспаев, Рудный қалалық «Нұр» мешітінің бас имамы Сейіт қажы Нұрқанов, РИИ ректорының тәрбие ісі жөніндегі проректоры, саяси ғылымдарының кандидаты  Жасұлан Тұрғанбекұлы Алпысбаев қатысты. Мектептің тарих пәнінің мұғалімі  Ғали Ершетайұлы Саналиев «Зайырлы мемлекет және дін» деген тақырыпта баяндама жасап, еліміздің зайырлы мемлекет екендігін және ондағы діннің орнын түсіндірді.  Баяндамадан соң «жастар  және дін» туралы бейнебаян көрсетілді. Кездесу қонақтары Алмат Аманболұлы қала деңгейіндегі діни бірлестіктердің жалпы жалпы мәліметтерін, ланкестіктің алдын алу шаралары туралы, қала деңгейіндегі қауіпсіздік туралы мәлімет берді. Жасұлан Тұрғанбекұлы халқаралық және еліміздегі  діни  ахуал туралы және ондағы жастардың орны мен рөлі туралы айтып өтті. Сейіт қажы  Нұрқанов елміздегі исламның дәстүрлі бағыттары туралы және ланкестікке  жол бермеу әрекеттерін, исламның дәстүрлі мәдениетінің маңызы туралы баяндады.

Оқушылар өздеріне кез-келген әлеуметтік желілердегі дінді уағыздайтын сайттардың бар екені және оларға кіруге болмайтыны туралы да ескеріліп және қандай сайттардың ресми, заңды екені туралы мәліметтерді алды.

Кездесу соңында мектеп оқушылары өздерінің қызықтырған сұрақтарына жауап алып, келген қонақтар алғыс хаттарымен марапатталды.

Комментарии