Адам және қоғам

Адам және қоғам
Нуртаева Айнаш Аленовна, Жеке тұлға және саясат


Жеке тұлға және саясат

Мақала авторы: Нуртаева Айнаш Аленовна
Жұмыс орны: Ақтөбе қаласы, Благодар орта мектебі
Лауазымы: Тарих пәні мұғалімі
Жариялану мерзімі: 22.05.2016


Адам. Қоғам. Құқық 10 класс
Сабақтың тақырыбы: Жеке тұлға және саясат. Қазақстан Республикасының Тұңғыш президенті Нұрсұлтан Әбішұлы Назарбаевтың ерекше тұлғалық болмысы
Мақсаты: 1.Елбасының өмір жолы, ерекше қадір-қасиеті, ерекше тұлғалық тұғыры,
ерен еңбегі туралы білімдерін тереңдету
2.Елбасының өмірі мен еңбегін үлгі тұту, елжандылыққа,
отансүйгіштікке,азаматтыққа баулу; ел болашағын ойлайтын,халқы үшін
қызмет ететін, ұлттық сана-сезімі жоғары, саяси-құқықтық мәдениеті
қалыптасқан тұлға тәрбиелеу;
3.Көпшілік ортада еркін сөйлеу, өз ойларын ашық айта алу дағдысын,
болашаққа деген оң көзқарасын қалыптастыру.
Көрнекілігі: интерактивті тақта, слайдтар, Елбасы кітаптары, Елбасы туралы жазылған кітаптар, бейнероликтер, бейнебаян.
Сабақтың түрі. Аралас сабақ
Сабақтың әдісі: интерактивті
Сабақтың барысы:
І. Ұйымдастыру кезеңі:
1)Амандасу;
2)Оқушылардың сабаққа қатысу деңгейін анықтау;
3)Ынта-зейіндерін сабаққа аудару;
ІІ. Үй тапсырмасын сұрау: өткен тақырып бойынша үй тапсырмасын тексеру

ІІІ. Жаңа сабақ: Қазақстан Республикасының президенті Нұрсұлтан Әбішұлы
Назарбаевтың ерекше тұлғалық болмысы
 Сабағымызды бастамас бұрын тренинг өткізейік:
— Егер сендер бүгін мектепке жақсы көңіл күймен келген болсаңдар , оң қолдарыңды көтеріңдер;
-Егер сендерге мемлекеттің тағдыры маңызды болса, сол қолдарыңды көтеріңдер;
-Егер өздеріңді Отанымыздың патриотымыз деп есептесеңдер, екі қолдарыңды көтеріңдер;
-Ендеше әрқайсымыз бір-бірімізге құрмет көрсетіп, үш рет қол соғайық;
-Осы жақсы көңіл-күймен сабағымызды бастайық;
1.Кіріспе. Бүгінгі сабағымыз елдің елдігін, халқының қамын ойлаған еліміздің тұңғыш президенті, елбасымыз Нұрсұлтан Әбішұлы Назарбаевқа арналады. Қазақстан атты елді дүниежүзілік аренаға танытқан Елбасымызды ұлы тұлғаның бірі ретінде халқымыз мойындаған. Халқына деген шексіз сүйіспеншілігін, сенімін, өрлігі, білімі мен саяси көрегенділігін, бар қажыр-қайраты мен арманын ісімен дәлелдеген Нұрсұлтан Әбішұлы Назарбаевтың өмірі ұрпағына өнеге боларлықтай екені даусыз.
Сабағымызды 2006 жылы 6-қаңтарда қабылданған жаңа Әнұранмен бастайық.
Егемен ел әнұраны жаңарды,
«Менің Қазақстаным» жер жүзіне таралды.
2. Жаңа сабаққа кіріспес бұрын тәуелсіз еліміздің 23 жыл ішінде жүріп өткен шежірелі жылдарына тоқталып өтеміз. Ол үшін «Сандар шеруі» ойынын ойнаймыз.Слайд № 4

..

1991 жыл 1-желтоқсан. Тұңғыш Республика президентіне жалпыхалықтық сайлау болды. Қазақ КСР-інің Президенті болып Нұрсұлтан Әбішұлы Назарбаев сайланды.
1992 жыл 4-маусым. Мемлекеттік рәміздер туралы заң қабылданды.
1993 жыл 15-қараша. Қазақстан Республикасының валютасы теңге айналымға енді.
1998 жыл. 6-мамыр. Ақмола қаласының атауы Астана болып жарияланды.
1995 жыл 30 тамыз. Қазақстан Республикасының Ата заңы қабылданды.
1998 жыл. 10-маусым. Астананың тұсаукесері болды.
1992 жыл. 2 -наурыз. Қазақстан Біріккен Ұлттар Ұйымына мүше болып қабылданды.
2006 жыл 7-қаңтар. «Менің Қазақстаным» әні мемлекеттік Әнұран ретінде қабылданды.
1986 жылы 16-желтоқсан. Желтоқсан көтерілісі болды.
1991 жылы 16-желтоқсан. «Қазақстан Республикасының мемлекеттік тәуелсіздігі туралы» Конституциялық заң қабылданды. Бұл күн тәуелсіздік күні болып белгіленді.
3. Қазақстан Республикасының президенті «Нұрсұлтан Әбішұлы Назарбаевтың ерекше тұлғалық болмысы» атты сабағымыз журнал түрінде өтеді. (әр бет слайд түрінде көрсетіледі) Кезінде Н. Ә. Назарбаев: «Егер келешекте қолымнан іс келетін азамат бола қалсам, қазақ деген халықты дүниежүзіне танытып, терезесін тең етер едім»,- деп армандаған болатын.
Жасыратыны жоқ, бүгінде асқақ арманын орындалды. Қазақты дүние жүзі таныды. Оның кең байтақ даласын, қазынасы мол жерін, дархан жатқан бейбіт елін дүниенің төрт бұрышы біледі.
Кезінде назардан тыс жатқан, материктің ортасындағы Орталық Азиядағы қазақ елі де сыртқы саясатта өз орнын айқындап, төрткүл дүниемен айналасы аз ғана уақыт ішінде байланыс орнатты. Ал ел өміріндегі осындай маңызды тарихи кезеңдерде мемлекет басшысы Н. Назарбаевтың қосқан үлесінің орасан зор екендігіне ешкімнің күмән келтірмейтіні тарихи шындық,
1-бет: «Ғибратқа толы ғұмыр» айдары
2-бет: «Халқының бағына туған бала» «Қамқор әке, мейірімді ата, сегіз қырлы,
бір сырлы жан.»
3.-бет « Халқының сайлап алған қалаулысы» «Елбасы – жазушы, ақын»,
«Елбасы және білім»
4-бет Елбасының халықаралық аренадағы орны
Оқушылар төрт топқа бөлініп, Өздеріне берілген материалдар бойынша журналдың аталған бетін құрастырады. Әр топ өз жұмысынан постер қорғайды.Оқушыларды топқа бөлу үшін сергіту тапсырмасын орындату.
Сергіту тапсырмасы:
Әр топ өз жұмысынан постер қорғайды.
4. Елбасы туралы видеоролик көрсету
5. «Білгенге маржан» «Елбасының өзекжарды ойлары мен дәйек сөздері» бойынша өз пікірін айту. Слайд №10-16
 Бұл дұниеде біздің бір ғана Отанымыз бар, ол – Тәуелсіз Қазақстан.
 Біз тәуелсіздікке аңсап, зарығып жеттік. Енді сол тәуелсіздіктің қасиетті белгілерін ерекше қастерлеуіміз, қадірлеуіміз керек.
 Дана халқымыз қателіктерді түсінеді, оларды кешіре де біледі. Халық кешірмейтін бір-ақ нәрсе бар: ол елдің қолына зарықтырып барып қонған Бақыт құсынан, Тәуелсіздіктен айырылып қалуды кешірмейді. Егер біз тәуелсіздіктен айырылсақ, бізге кешірім жоқ.
 Өз тарихын сыйламаған халық өзін де сыйламайды
 Бақ берерде елге ырыс қонады, ұстанған бағыты дұрыс болады
 Қазір бой жарыстыратын заман емес, ой жарыстыратын заман
 Менде өз халқымның тағдырынан басқа тағдыр жоқ
 Ел болашағы- білімді жастар
 Өз еліне пайдалы болу, өз отанының тағдырына жауапты болу –бұл әрбір қазақстандықтың борышы және ар-намысы»
ІҮ. Бекіту:
Әріптер сөйлейді. Сендер таблода көрсетілген әріптерден әріп таңдайсыз, қойылатын сұрақтың жауабы сол әріптен басталады. Әр сұраққа бір балл есептелінеді.

А Ә Б В Г Ғ Д Е Ж З
И Й К Қ Л М Н Ң О Ө
П Р С Т У Ұ Ү Ф Х Һ
Ц Ч Ш Щ Ы І Э Ю Я

А-Республика президенті қызметі бойынша қандай орден иесі болып табылады?
Ә-Н.Назарбаевтың анасының аты?
Б- Н.Назарбаевтың басшылығымен жүзеге асып жарқан, білімді, талапты жастардың шетелдің ең таңдаулы оқу орындарында тегін оқуын қамтамасыз ететін бағдарлама?
В- Н.Назарбаевтың басшылығымен ҚР-дағы теңгенің халықаралық атауы?
Г- Н. Назарбаев 1962 жылы 27 шілде-5 тамыз аралығында кеңес делегациясымен бірге Хельсинки қаласындағы ҮІІІ дүниежүзілік жастар мен студенттер фестиваліне қатысып, атақты гарышкермен суретке түскен . Ол кім?
Ғ- Н.Назарбаевқа берілген атақ ?
Д- Н.Назарбаевтың бірінші қызының аты?
Е- 2010 жылы Н. Назарбаев төрағалық еткен халықаралық ұйым?
Ж- Н.Назарбаев жылда халыққа не арнайды?
З-1991 жылы 16 желтоқсанда «ҚР Мемлекеттік тәуелсіздігі туралы» ҚР Конституциялық не қабылданды?
И- Н.Назарбаев Халықтың қандай ұлт болғанын қалайды?
К-1993 жылы 28 қаңтарда қандай құжат жарияланды?
Қ-1997 жылы қазан айында Н.Назарбаев Қазақстан Республикасының болашақтағы дамуын белгілейтін қандай бағдарламаға қол қойды?
Л-1993 жылы Н.Назарбаев Қазақстанның ядролық қарусыз ел болуын жүзеге асырған қандай құжатқа қол қойды?
М- Н.Назарбаевтың алғашқы мамандығы?
Н- Шетелге тентіреп кетуге мәжбүр болған отандастарымыздың тарихи Отанына қайта оралу мүмкіндігін жасаған Н.Назарбаевтың басшылығымен жасалған бағдарлама?
О- Мектеп бітіргенде алтын белгі алмай, күміс белгі алуының себебі?
Ө- Н. Назарбаевтың жазған кітаптарының бірі?
П-Президент кімді қызметке тағайындайды?
Р-1995 жылы 20 сәуірде Президенттің өкілеттігін 2000 жылдың 1 желтоқсанына дейін ұзарту жөніндегі бүкілхалықтық не өткізілді?
С- Н. Назарбаев қол қойған алғашқы Жарлықтардың бірі?
Т- Н.Назарбаевтың басшылығымен жүріп жатқан тарихи зерттеулер атауы?
У- 1958 жылы Н.Назарбаев Теміртаудан қай елге оқуға жіберілді?
Ұ-1999 жыл Н.Назарбаевтың жарлығымен қандай жыл деп жарияланды?
Ү- Н.Назарбаев шығарған ән?
Ш- Н.Назарбаев дүниеге келген ауыл?
Ф-Бала Нұрсұлтан кім атындағы мектепте білім алды?
Х- Н.Назарбаевтың идеясымен тұрғызылған Бәйтеректің алтын түстес алып шары қандай шыныдан жасалған?
Э-Астана қаласындағы «Атамекен» Қазақстан картасы бейнеленген орын?
Я- Лиссабон хаттамасына сәйкес Қазақстан Республикасын Н. Назарбаев қандай аймақ деп жариялады

ІҮ.Қорытынды: Қазір әлем назары –Қазақстанда! Ел беделіне нұқсан келтіретін қандайда бір әрекетке жол бермеу- әрбір азаматтың парызы. Қазақстан өз алдына экономикалық, әлеуметтік дамудыңи жаңа кезеңіне аяқ басу мақсатын қойып отыр. Ел бірлігі мен Елбасының жүргізіп отырған көрегендік саясатының арқасында алдағы кезеңде де үлкен жетістіктерге қол жеткізеріміз анық.
Қазақстан мемлекеті мен халқымыз үшін қажырлы қызмет атқарып жүрген, әлемдік қауіпсіздік үшін ізгі бастамалар көтерген, беделді алпауыт елдердің ұстанымына оң ықпал еткен президентіміздің ерекше тұлғалық болмысы осындай.
Бүгінгі сабағымызды Елбасының мынадай сөзімен аяқтағым келіп тұр: «Еліңнің ұлы болсаң, еліңе шын жаның ашыса, азаматтық намысың болса, қазақтың жалғыз ұлттық мемлекетінің көркеюі жолында жан теріңді сығып жүріп еңбек ет, елдің де, жердің де иесі екеніңді ұмытпа».
Рефлексия “ Даналық ағашы» Енді сендер бүгінгі білгеніміздің бәрін өз ойымыздан өткізіп, «Жас ұрпақтың арнауы» арқылы «Даналық ағашын безендіреміз.
Елбасшымызға талай ақындарымыз жырын арнап, өлеңдерін шығарды. Енді сіздер де елбасына туралы өз көзқастарыңды, пікірлеріңді, тілектеріңді жазып “ Даналық ағашына» ілеміз.(Оқушыларға стикерлер таратылады.)
Ән: «Көк тудың желбірегені»
Ү. Бағалау. Сабаққа белсенді қатысқан оқушыларды «Бүгінгі топ көшбасшысы» номинациясымен марапаттау
ҮІ. Үйге тапсырма: «Менің Президентім» эссе жазу

Комментарии